ROMASANTA

Valentín Paz Andrade

2012-02-16T02:48:00.003-08:00

Dous enderezos esenciais para coñecer máis sobre o autor das Letras deste anos 2012: Valentín Páz Andrade:

XOELIKI

2012-01-25T00:36:00.001-08:00

O debuxante e deseñador gráfico Abraham Carreiro (foto de Blogger) e o cineasta, músico e poeta Maties Segura Rubio convídanvos a entrar no mundo dos xogos on-line e na vida do ciberpirata máis famoso neste intre, Xoeliki,

Despois de Xoelike. As aventuras dun ciberpirata, xa está a piques de saír o segundo libro deste rapaz ao cal lle encanta meterse en sarillos. Se queredes resolver algúns dos misterios que engaiola o libro só tedes que acceder á web facendo clic na seguitne imaxe.

CANTOS GALEGOS HAI?

2012-01-11T09:55:00.000-08:00

As linguas non son compartimentos pechados, todo o contrario somon elementos de comunicación que están mudando constantemente cando os seus falantes a empregan para comunicarse.

Podemos dicir que dentro das linguas conviven variedades producidas por distintos factores.

a) Históricos: o que nos permiten diferenciar a variedade de galego que se usaba na Idade Media do da época actual.

b) Socioculturais (var. diastráticas): o que permite diferenciar diferentes niveis de lingua segundo o grao de corrección lingüística con que se expresen os falantes: cultos, medio, popular ou vulgar.

c) Situacionais (var. diafásicas): o que permite diferenciar as distintas maneiras de falar dunha persoa segundo a situación comunicativa na que se atope. Dependendo do tema, da intención ou da relación co interlocutor podemos expresarnos nun rexistro formal ou informal.

d) Xeográficos (var. dialectais): o que permite diferenciar o galego segundo a zona xeográfica na qu esteamos. A priemira distinción deixa ver que hai tres grandes bloques: oriental, central e occidental; pero se analizamos cada un deles atoparemos peculiaridades que nos levaran a distinguir areas máis pequenas con identidade propia como a lucu-auriense, a fisterrá, a tudense, entre outras. Para saber máis sobre os trazos de cada zona, ver algún mapas e escoitarou ler textos das distintas áreas remítovos as seguintes páxinas:

Ciberlingua.org

A nosa fala

Outras variedades:

a) As linguaxes especificas: xergas (o barallete, lingua dos afiadores de Ourense, o latín dos chafoutas ou albaneis de Tui e Pontevedra, etc.) e linguaxes profesionais ou tecnolectos ( linguaxes con léxico específico como é a dos médicos, informáticos ou mariñeiros entre outros).

b) O estándar é a variedade común a todos os falantes modelo ideal para as situacións comunicativas formais cun nivel medio.

O VALOR DA OBRA DE CASTELAO

2012-01-10T07:10:00.000-08:00


Cousa da vida de Castelao

A Dirección Xeral de Patrimonio Cultural, por Resolución do 28 de xuño de 2011, incoa o expediente para a declaración de ben de interese cultural e inmaterial en favor do conxunto da obra de Alfonso Daniel Rodríguez Castelao, sobre a base do seu valor simbólico e o interese do conxunto da obra en canto vehículo de concienciación e afirmación da identidade diferencial do pobo galego.

DECRETO 249/"011, do 23 de decembro, polo que se declaraben de interese cultural a obra de Alfonso Daniel Rodríguez Castelao.

S.O.S.

2012-01-06T13:46:00.000-08:00

Fragmento de S.O.S. de Pepe Carballude: a Lenda que explica a visión que tiñan os antigos do decorrer dos días e das noites. Fermosa historia.

"Explicoulles que se trata dunha lenda moi antiga, segundo a cal, BALL, o sol, é un poderoso señor que cada día percorre os seus dominios nun carro tirado por cabalos que ceiban labaradas de lume polas ventas. Así infunde calor á terra, vida ás plantas e vivifica todo o que está baixo a súa atenta mirada. Máis, cando está canso, á tardiña, é asaltado silenciosamente por seu irmán, NOX, decote vestido cunha capa moura. Este dálle morte a BALL e, esgazando o corpo fraterno en anacos pequenos, enceta un reinado de igual duración.

(...)

Daquela, GLEN, a lúa, esposa de BALL, abatida, chora a perda do seu marido e, coa axuda das estrelas, as súas bágoas brillantes na negrura do reino de NOX, sae á procura dos restos do seu home. Unha vez apañados todos, BALL reencárnase noutra volta máis para repetir con anovada forza o seu labor diario."

2012-01-05T10:53:00.000-08:00

A través do blog de Rosa Salgueiro cheguei a estoutro blog sobre As vangardas, unha UD da AELG Feito por Pilar Ponte, A Profa, moi interesante para as aulas. Bo traballo.

Pilar Ponte.

De catro a catro, poemas explicados na páxina de o galego.eu

CANTO SABES?

2012-01-05T10:29:00.000-08:00

Aquí descarga o exercicio que sinala a frecha.

Para o alumnado de 4º da ESO aí lles deixo un

reto. Tedes que acceder á páxina do IES Otero Pedrayo e facer clic no xogo que ten preguntas sobre O grupo Nós. A ver como andades de coñecementos e a ver canto aprendedes desta.

Boa sorte!!

FALECE ISAAC DÍAZ PARDO

2012-01-05T08:19:00.000-08:00


Retrato de Isaac Díaz Pardo por Vítor Mejuto

O berce do galeguismo de Risco, Cabanillas, Castelao... vai quedando orfo. Hoxe faleceu con 91 anos Isaac Díaz Pardo, intectual galeguista e artista con maiúsculas que buscou sempre dignificar a nosa terra, quizais aguilloado pola inxustiza do fusilamento de seu pai, Camilo Díaz Baliño, a mans dos fascistas.

O seu ollar limpo e sinxelo e o engado da súa voz dan conta da gran persoa que foi Isaac e da súa modestia. Todos sabemos que se consideraba un fracasado, pero as mostras de cariño e recoñecemento neste día tan sinalado apuntan cara o lado contrario.

Recoñecementos e distincións que lle chegaron de diferentes intitucións sempre para recoñecer o seu traballo como ensaísta, crítico, pintor, deseñador e empresario. Moitos de vós seguro que posuídes unha das pezas da cerámica de Sargadelos na que deixou a súa pegada enfeitando as distintas pezas con motivos da arte románica galega e do pobo galego en xeral.

2012-01-05T08:00:00.000-08:00

Para o segundo trimestre están programadas as seguitnes lecturas para o meu alumnado do IES de Mos.

1º ESO: Xosé A. Perozo, Camiño de fantasía. Ed. Sotelo Blanco. Collección Xuvenil.

4º ESO: Pepe Carballude, S.O.S. Ed. Galaxia. Colección Costa Oeste.

O alumnado coñece a posibilidade de ler outros libros optativos que poden subir a nota 0,5 (sempre que superen o 5 e nun máximo de 1 punto por avaliación). Para isto debedes falar comigo. No caso de primeiro da ESO hai unha listaxe ampla na cal podedes mergullarvos para escoller outras lectura e que tedes ao voso dispor na Biblioteca do centro.

A AMIZADE

2012-01-04T07:46:00.001-08:00

Esta fermosa historia que transcribo é un agasallo dun amigo da Coruña que quero compartir con todos vós porque de certo que, igual ca min, todos tedes moitos amigos que non vedes e cos que compartides moitas cousas fermosas aínda que fiquen físicamente moi lonxe.

Estou de acordo cunha cousa que dis Xoán, os amigos son o tesouro máis grande que posuímos, polo menos eu síntome afortunada de ter os amigos que teño. Mil grazas pola historia. Non deixes de escribir.

Dous homes, ambos os dous moi enfermos, ocupaban o mesmo cuarto dun hospital. A un permitíaselle sentarse na súa cama cada tarde, durante unha hora para axudarlle a drenar o líquido dos seus pulmóns. A súa cama daba á única ventá do cuarto.

O outro home tiña que estar todo o tempo boca arriba. Os dous charlaban durante horas. Falaban das súas mulleres e as súas familias, os seus fogares, os seus traballos, a súa estanza no servizo militar, onde estiveran de vacacións... E cada tarde, cando o home da cama xunto á ventá podía sentarse, pasaba o tempo describindo ao seu veciño todas as cousas que podía ver dende a ventá.

O home da outra cama empezou a desexar que chegasen esas horas, en que o seu mundo se ensanchaba e cobraba vida con todas as actividades e cores do mundo exterior. A ventá daba a un parque cun precioso lago. Parrulos e cisnes xogaban na auga, mentres os nenos o facían coas súas cometas. Os mozos namorados paseaban da man entre flores de todas as cores do arco da vella. Grandes árbores adornaban a paisaxe, e podíase ver na distancia unha bela vista da liña da cidade.

O home da ventá describía todo isto cun detalle exquisito, o do outro lado do cuarto pechaba os ollos e imaxinaba a idílica escena. Unha tarde calorosa, o home da ventá describiu un desfile que estaba a pasar. Aínda que o outro home non podía oír a banda, podía velo cos ollos da súa mente, exactamente como o describía o home da ventá coas súas máxicas palabras.

Pasaron días e semanas. Unha mañá, a enfermeira de día entrou coa auga para bañalos pero encontrou o corpo sen vida do home da ventá, que morrera pracidamente mentres durmía. Encheuse de pesar e chamou os axudantes do hospital, para que levarsen o corpo.

Tan pronto como o considerou apropiado, o outro home pediu ser trasladado á cama ao lado da ventá. A enfermeira cambiouno encantada e, tras asegurarse de que estaba cómodo, saíu do cuarto. Lentamente e con dificultade, o home ergueuse sobre o cóbado, para lanzar a súa primeira mirada ao mundo exterior; por fin tería a alegría de velo por si mesmo. Esforzouse para xirarse devagar e mirar pola ventá ao lado da cama e... nada máis que puido ollar unha inmensa parede branca.

O home preguntou a enfermeira que podería ter motivado ao seu compañeiro morto para describir cousas tan marabillosas a través da ventá. A enfermeira díxolle que o home era cego e que non podía ver tan sequera aquela parede, e díxolle: "Quizais só quería animalo"

É unha tremenda felicidade facer feliz aos demais, sexa cal sexa a propia situación. A dor compartida é a metade de pena, pero a felicidade, cando se comparte, é dobre.

Por Juan Bouzas, Ies David Buján.

AXUDAS ADSL

2012-01-04T06:35:00.000-08:00

Código Cero publica:

Aberto o prazo de solicitude das axudas da Xunta para contratar Internet no fogar.

UNHA LINGUA UN POBO

2012-01-04T06:32:00.001-08:00

CELSO EMILIO FERREIRO

2012-01-04T06:24:00.000-08:00

Hoxe celébrase o centenario do nacemento do incrible poeta de Celanova Celso Emilio Ferreiro. E tamén se commemora o 50 aniversario da publicación de Longa noite de pedra.

Grazas a Rosa Perez podemos coñecer a páxina do autor na cal atoparedes toda a información sobre el e actividades que se programan en torno a este día.

Hoxe se vos achegades a Celanova poderedes atopar os seus versos espallados polos establecementos da vila, unha forma orixinal de poñer en contacto a poesía co pobo.

Gracias polo video Rosa, aquí o deixo para os que teñan preguiza de achegarense a Celanova.

Museo Castelao

2011-12-16T08:22:00.000-08:00

Museo Castelao

Se queredes ler algún texto de Castelao ao ver o albun de Nós, só tedes que acceder á páxina web do seu museo na rede.

2011-12-16T03:07:00.000-08:00

Blog da Fundación Vicente Risco, Allariz

O martes 20 ás 21:00 horas terá lugar no Audotorio Municipal de Ourense a estrea da versión subtitulada ao galego do filme Pa Negre, candidato ao Oscar ao mellor filme en fala non inglesa. Quen teña interese en asistir á estrea pode solicitar entradas nas librerías de Ourense, na librería Aira das Letras de Allariz, nas oficinas do Festival de Cine de Ourense ou solicitalas a secretaria@fundacionvicenterisco.com até límite de aforo.

CASTELAO

2011-12-15T02:53:00.000-08:00

Nesta entrada o alumnado de 4º da ESO poderá acceder aos datos máis relevantes da vida e obra de Castelao.

Mirade esta presentación que fixo Miguel Lamelas Pla.

Castelao

View more presentations from Miguel Lamelas Pla

Deixo outra mási completa feita por Román Landín.

Castelao

View more presentations from Román Landín

Máis sobre as cousas e debuxos de Castelao (Slide, asinado por Axa7)

Afonso Daniel Rodriguez Castelao

View more presentations from axa7

FESTAS TRADICIONAIS

2011-11-30T09:51:00.001-08:00

Caixón de recursos en galego: festas tradicionais

Unha ocmpañeira do curso de HTML , Monserrat Martínez Cañas (CEIP Alfonso Castelao, Vigo), deseñou esta páxina web onde podedes atopar información sobre as festas tradicionais en galego para traballar co alumnado de infantil e primaria.

Noraboa, gustoume moito.

2011-11-30T09:37:00.001-08:00

Estes días temos á miña amiga Mar Hermida a voltas cun curso da Web 2.0. Sabedora como é da miña teima con este mundo achegoume o enlace do curso e agora compártoo convosco porque me pareceu moi interesante. Facede clic na imaxe e podedes visitar a páxina do profesor da Universidade de Vigo, Pedro Cuesta.


	Curso de Ferramentas Google, Pedro Cuesta

Tamén deixo aquí o enlace a unha páxina web que é unha recompilación de ferramentas educativas para moverse polo mundo das TIC: Aplicacións Web 2.0.

Grazas Mar, envexo a túa vitalidade e as ganas con que inicias cada proxecto. Non cambies nunca.

A WEB DE RESISTENCIA

2011-11-28T04:31:00.000-08:00

Despois de rematar o curso de Iniciación ao HTML deseñei este espazo web que supón unha análise da obra de Rosa Aneiros, Resistencia.

Se queredes botarlle unha ollada non tedes máis que premer na imaxe.

Espero que o traballo sexa útil e bos guste. Sede boíños, recordade que é iniciación!!!

A LINGUA SABE A PAN

2011-11-16T00:25:00.001-08:00

Onte escoitaba unha entrevista na Radio Galega co responsable do Consello Regulador do Pan de Cea falando do vídeo que fixo o alumnado do CPI Virxe da Saleta, en Cea.

Quedei sorprendida porque a conversa se centrou, única e exclusivamente, en falar da excelente promoción que os rapaces fan deste produto.

Deixo o vídeo para que poidades velo unha vez máis e porque o que realmente me sorprendeu é que non mencionaran en ningún momento que tamén se está facendo unha reflexión sobre a diversidade lingüística. É máis, sobre a existencia dunha lingua que nos identifica culturalmente e que os nenos falan coma tantas outras, porque o que máis lles gusta é "FALAR IDIOMAS".

NADAL EN GALEGO

2011-11-14T00:43:00.000-08:00

Xa chegou de novo o concurso de felicitacións de Nadal en Galego convocada pola Secretaría Xeral de Política Lingüística.

O obxectivo da iniciativa é que as propostas fagan referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral. Os traballos máis enxeñosos e cun deseño máis orixinal serán seleccionados para formar parte dunha galería de presentacións que estará dispoñible no espazo web da secretaría xeral. Ademais, outorgaranse tres premios consistentes nun lote de produtos de lecer en galego para cada un dos gañadores ou gañadoras.

Participación:

* Ata o 9 de decembro de 2011.
* Enviando as presentacións aos enderezos electrónicos:

secretaria.xeral.politica.linguistica.web@xunta.es ou sxpl.secretaria@xunta.es

BASES DO CONCURSO

Linguas oficiais de Europa

2011-11-11T13:53:00.000-08:00

As linguas de Europa

View more presentations from Loli Cid Cid.

Linguas oficiais de Europa

View more presentations from Loli Cid Cid.

Linguas oficiais de Europa

View more presentations from Loli Cid Cid.

Linguas oficiais de Europa

View more presentations from Loli Cid Cid.

Linguas minorizadas de Europa

2011-11-11T13:26:00.000-08:00

O gaélico escocés

View more presentations from Loli Cid Cid.

O breton

View more presentations from Loli Cid Cid.

O flamengo

View more presentations from Loli Cid Cid.

O alsaciano

View more presentations from Loli Cid Cid.

Alsaciano

View more presentations from Loli Cid Cid.

O bretón

View more presentations from Loli Cid Cid.

2011-10-19T11:10:00.000-07:00

O 24 de outubro celébrase o Día Internacioanl das Bibliotecas Escolares e dende o IES de Mos, Ana Fidalgo proponnos que vexamos os seguintes videos que foron seleccionados segundo o nivel do alumnado.

Ese día tamén terá lugar unhas xornadas de portas abertas da Biblioteca do centro para que todo o alumnado poida coñecer físicamente este espazo de traballo e lecer e comprender un chisco máis como funciona e sobre todo para que lle pode ser útil.

Para 2º de BACH

Para 1º de BACH

Para 3º e 4º da SEO

Para 1º e 2º da ESO

Diversidade lingüística

2011-10-16T02:07:00.001-07:00

Se facedes clic na imaxe podedes acceder a un xogo con preguntas xerais sobre as linguas de Europa que atopamos no portal que a Comisión Europea dedica ás Linguas.

Enlace ao Blog de Román Landín para traballar o Día Europeo das Linguas.

Carta Europea das Linguas rexionais ou minoritarias

Linguamón

As Linguas de Europa, unidade didáctica da AS-PG

A Europa das Linguas (AS-PG)

Publish at Calaméo or browse others.

O VIXÍA NO CENTEO

2011-10-09T03:48:00.000-07:00

Para facilitar o traballo de alumnado e profesorado deixo a guía de lectura que nos ofrece a Editorial Xerais sobre a novela de J. D. Salinger, unha das máis censuradas nos Estados Unidos e pola contra unha das máis lidas nos centros.

O vixía no centeo

Publish at Calaméo or browse others.

Entrada da Wikipedia desta novela O VIXÍA NO CENTEO

Entrada do recuncho dos máis traballadores

Propostas de traballo co libro no blog Aula 21, tamén música, películas e o poema que dá título ao libro.

Ben Falado: Apelidos Galegos

2011-09-27T13:35:00.000-07:00

Escolma dos programas de Ben Falado do 1 ao 100 que tratan a antroponimia.

Ben Falado: Toponimia de Galicia

2011-09-27T03:26:00.000-07:00

Deixo unha escolma de videos do programa Ben Falado, do profesor Xesús Ferro Ruibal, onde podedes atopar información sobre algúns topónimos de Galicia e outros enredos da lingua. Os programas revisados foron do 1 ao 110.

Valentín Paz Andrade

2011-09-20T06:44:00.000-07:00

Esta semana comezou un novo curso académico e estará dedicado a Valentín Paz Andrade, autor homenaxeado no vindeiro Día das Letras Galegas. Tras unha primeira pescuda de información sobre o autor, e pendente de novas lecturas, aí vai o xermolo dun traballo máis amplo que irá madurando cos días.

O DIARIO VIOLETA DE CARLOTA

2011-08-31T13:17:00.001-07:00

Gemma Lienas convídanos a poñer uns lentes violetas e camiñar da man de Carlota por un mundo cheo de desigualdades, como vemos nos correos que lle envía súa avoa ou na vida da xente que rodea á protagonista.

"...desde que nacemos nos van ensinando a ter unha serie de características, virtudes ou defectos (...) comportamentos e crenzas hipoteticamente necesarios nunha muller. Dende o nacemento, polo tanto, ensínannos a "ser mulleres" tal como a sociedade pretende qeu sexamos..." (páx. 120)

O seu diario, un agasallo un tanto desfasado, acaba sendo a escusa para unha loita pola igualdade. Un grupo de adolescentes liderado por Carlota tenta romper con todas esas ideas preconcevidas que traemos de serie para buscar un mundo máis libre e equitativo, onde as mostras de machismo seguen presentes aínda que xa as teñamos asimiladas e non as poidamos ver.

A autora di do seu libro:

É moito máis ca novela e ca un diario. En día, Carlota recibe da súa avoa a encomenda de observar o mundo cunhas lentes de cor violeta, é dicir, dende a óptica feminista e igualitaria. Axiña vai entender, e nós con ela, que hai moitísimas situacións do noso día a día que tomamos como normais cando, en realidade, son todo un exercicio de discriminación e inxustiza.

Blog do Diario violeta

Aquí deixo unhas preguntas que atopei para traballar a lectura do libro.

O diario violeta de Carlota

Music Playlist at MixPod.com

Podedes atopar materiais para a educación en valores neste enlace

Podedes atopar películas

SILENCIADAS DOCUMENTAL

2011-08-31T06:48:00.000-07:00

AS SILENCIADAS

Este é un documental histórico que recupera historias de vida, inseridas no seu contexto, de numerosas mulleres que andaron na clandestinidade ou apoiaron desde a chaira o movemento guerrilleiro. Por defendelo, foron duramente represaliadas: morte, cárcere, tortura física, exilio. O seu papel foi fundamental na supervivencia deste movemento de resistencia e cómpre coñecelo.

Relacionado con isto recordarei sempre a impresión que causou en min a lectura da novela de Xosé Fernández Ferreiro: Agosto do 36.

Tamén me lembra este documental a película: A Mariñeira.

Twitter no ensino

2011-08-25T13:06:00.001-07:00

Lingua minoritaria

2011-08-23T08:29:00.000-07:00

CREBINSKY

2011-08-23T08:21:00.000-07:00

Trailer

A CURTA

Premiados no festival de Málaga

DOENTES

2011-08-23T08:16:00.001-07:00

RECURSOS WEB E LINGUA

2011-06-26T07:57:00.000-07:00

Páxina con actividades de lingua galega e un documento con recursos web para traballar lingua galega.

Mais Videopoemas Lois Pererio

2011-05-26T15:54:00.000-07:00

Rodrigo Durán, 1º BACH A

Rosa Graciela, 1º BACH A

Murais Lois

2011-05-24T02:26:00.000-07:00

Nestes murais feitos con Glogster podedes ver os traballos do alumnado de Juan Carlos, de 1º curso de ciclo medio de SMR do IES Pazo da Mercé. Grazas a todos pola colaboración e por implicarse nas actividades das letras galegas dedicadas a Lois Pereiro.

Silvia Parada Rodríguez

Aarón Gómez Pereira

Anxo Fernández Fortes

Fabián Estévez Casal
http://www.blogger.com/img/blank.gif

Jacobo Fernandez Romero
http://www.blogger.com/img/blank.gif

Xanán Fernández Alonso

Samuel González Vilahttp://www.blogger.com/img/blank.gif

Pablo Castro Álvarez

José Manuel Rivera Barros

Xogando con Lois Pereiro

2011-05-23T14:39:00.001-07:00

Un ano máis puidemos xogar co alumnado do primeiro ciclo da eso e coa poesía. Os máis arteiros tiña gardados no maxín os versos de Lois e acabaron gañando os xogos desta tarde. Espero que o pasarades ben.

Cadros_poemas Lois Pereiro

2011-05-23T14:17:00.001-07:00

Debuxando cos poemas de Lois Pereiro

Publish at Calaméo or browse others.

VIDEOPOEMAS LOIS PEREIRO

2011-05-19T03:01:00.001-07:00

Débora Francisco, 1º BACH B, IES Pazo da Mercé

Laura Rodríguez, 1º BACH A, IES Pazo da Mercé

Marta Álvarez, 1º BACH A IES Pazo da Mercé

Lois pereiro

View more presentations from Loli Cid Cid.

Recitados Lois

2011-05-18T09:09:00.000-07:00

Marta e Raquel - 1º BACH A - IES Pazo da Merce

Get this widget

Track details

eSnips Social DNA

Ana e Iago, 1º BACH B - IES Pazo da Mercé

Get this widget

Track details

eSnips Social DNA

Rodrigo Durán, 1º BACH A - IES Pazo da Mercé

Get this widget

Track details

eSnips Social DNA

Elías Mo - 1º BACH B - IES Pazo da Mercé

Get this widget

Track details

eSnips Social DNA

Débora e Estela - 1º BACH B - IES Pazo da Mercé

Get this widget

Track details

eSnips Social DNA

Recitados 2º ESO B

Sabela Vázquez Cedrón

Get this widget

Track details

eSnips Social DNA

Carla Sestelo Rodríguez

Dario B. L.

David Rodríguez Otero

Brais Vázquez Durán

XOGOS LETRAS GALEGAS 2011

2011-05-12T04:30:00.000-07:00

Aquí deixo unha proposta de actividades lúdicas para traballar cos poemas de Lois Pereiro.
Hoxe comecei a escoitar que os nenos xa están recitando os seus poemas cada vez que se cruzan contigo no corredor e iso anima un pouco a traballar, ademais recorda ao ano pasado e dá gusto. Merece a pena sempre traballar cos nenos!!!

CONCHI REGUEIRO

2011-05-09T13:50:00.000-07:00

Hoxe tivemos no IES Pazo da Mercé a Conchi Regueiro, unha das escritoras galegas de novela xuvenil de éxito entre a rapazada. Veunos falar do Tesouro das ánimas, da súa trastenda, de como foi o proceso de creación da novela e explicou de maneira moi clara cales son os elementos para artellar unha historia con éxito.

Conchi regueiro

View more presentations from Loli Cid Cid.

Preguntas do alumnado.

Carla (2º ESO B)_ Que libro che cousou máis emoción escribir?

Conchi Regueiro_ Con este, co Tesouro das ánimas, paseino moi ben. Foi divertido. Sempre me divirte moito escribir.
Agora estou escribindo unha novela que teño parada na cal a protagonista é a política, que adquire forma de muller. Pero está parada na páxina 90 porque estou facendo un Master, teño o traballo e non me dá o tempo.

Carla (2º ESO B)_ Gústache ler libros doutros escritores?

Conchi Regueiro_ Claro antes de ser escritor es lector e para escribir tes que ler moito.

Mario (2º ESO A)_ Como empezaches a escribir?

Conchi Regueiro_ Pois como era moi mala nos deportes e nas artes plásticas, pois dediqueime a escribir. Empecei con 14 anos, máis ou menos, aínda que profesionalmente aos 20.

Loli_ Por que os petos de ánimas e non outros monumentos?

Conchi Regueiro_ Escollín os petos de ánimas como protagonistas do enigma porque me chamaron moito a atención dende pequena e porque son un elemento propio da cultura galega que non ser repite noutros lugares.

Antonio (2º ESO B)_ Os lugares existen?
Miguel (2º ESO A)_ Existe Ponterrubiáns?

Conchi Regueiro_ Non non son reais, son ficción. PEro si é certo que para crear os espazos das miñas novelas me inspiro en lugares reais, coma a ponte románica de Arbo, que sae nunha das miñas novelas. En certa maneira os espazos dos meus libros son como un collage de distintos lugares da realidade.
Inventar os espazos é máis fácil para escribir. Ademais evito posibles conflitos coas xentes dos lugares, porque xa se ten dado o caso de que lles pareza mal que algún escritor/a diga algo negativo.

Mauro (2º ESO A)_ Como é que os rapaces no xogo, se só coñecían o mapa, sabían onde tiñan que meter as chaves para abrir os petos?

Conchi Regueiro_ Iso é como unha pista flasa, unha trampa que debe superar o personaxe principal para chegar á conclusión.

Carla (2º ESOB)_Pensaches en facer un cómic da novela?

Conchi Regueiro_ Non, dáseme fatal debuxar, podía ser un desastre o resultado. Pero si qeu é verdade que teño dúas materias pendentes que me apetecen moito: escibir un cómic e unha serie de TV.

Loli_ A figura do bispo Tristán é unha homenaxe aos ilustrados?

Conchi Regueiro_ Si claro, ben podería ser un Padre Sarmiento o protagonista. Ademais vede que o tesouro que agochou é moi importante porque significa devolverlle ao pobo algo que fora de seu.

Loli_ Os políticos non saen moi ben parados nas túas novelas.

Conchi Regueiro_ Non, non todos. Somentes aqueles que abusan do poder e intentan someter aos cidadáns.

ROI CASAL

2011-05-08T04:55:00.000-07:00

MAXICAMENTE VELLO

Maxicamente, puiden asistir ao concerto de Roi Casal no Teatro Principal de Ourense e gozar dun espectáculo fermoso. Boa música, boas voces e sentimento enriba do escenario para chegar ao máis fondo de cada un dos espectadores.

Grazas por descubrirme a Roi, MAR!!! Es xenial. Bicos moi grandes.

Lois Pereiro no David Buján

2011-05-07T08:41:00.000-07:00

Grazas Xoán (IES David Buján) por regalarnos e sorpréndenos con actividades innovadoras e atractivas que van chamar a atención e espertar a curiosidade do alumnado. Ben , tamén do profesorado.
Na fotomontaxe podedes acceder a unha serie de audio-puzzles elaborados con recitados dalgún poema do poeta monfortino.
Abride cada unha das xanelas desta imaxe para acceder ao interior do "mundo Lois" e coñecer un pouco máis esa poesía doente e paixonal que saiu da man dun poeta que tentou amoldarse á vida que lle tocou en "sorte" vivir.

Fotografía: Manuel Vilariño... e o paso do tempo

AÍ VÉN O MAIO

2011-05-02T08:04:00.000-07:00

COMO SINTO A LINGUA

2011-05-02T07:56:00.000-07:00

GALICIAHOXE.COM
(30-4-2011)

Hoxe falarei da lingua galega. De como a sinto e como a vivo. As miñas experiencias coa fala. Unha desas cousas que fixen ben na vida foi falala. Outra, escribila. Trátase dunha historia de amor. Desas que non insiren The End cando quererías saber que pasou despois. Das que se sabe que durará mentres vivas, e máis alá, cando os textos escritos en galego teñan esa cor amarela dos arquivos e hemerotecas. Porque a primeira poesía que escribín estaba na lingua de Rosalía. Xuntaba palabras, é certo, e non atopaba rimas. Mais o aquel de poetizar en galego é anterior a coñecer a existencia da poetisa de Padrón. Ás veces conxecturo que comezou cando as comadroas me falaron, como a tantas outras crianzas que pasaban polas súas mans. Pareceume o celme máis musical e fermoso do mundo. Pode haber lembranzas do primeiro son que escoitas cando saes do útero?

Custoume afacerme á fala. A escrita estaba algo mesturada entre normativa AGAL e RAG, porque o meu primeiro profesor ensinaba aquela e a segunda esta. Mais, como nacín en Ourense e me criei en Viana do Bolo, ir ao rego, ou visitar a meu irmao son expresións que me soan mellor que ese o con til ou ese n final. Así que son receptiva cara ó estreito parentesco co portugués, un único gran río que se separou en Tui. Mais escribo en RAG porque... Nin idea. A fala custoume máis que a escrita, como adoita pasar co inglés ou o latín. Leo catalán e italiano, aínda que case nada francés. Teño nos miolos que o galego é idioma dende antes de que o ensinaran na escola. Síntoo meu e forma parte da miña identidade.

Certo que son bilingüe. Ata os 23 non dixen ren en galego agás responder en clase ás preguntas da profesora desta lingua. E cando compuxen esa primeira frase entroume unha vergoña e inseguridade proverbiais. Podería ser alemán e non me custaría tanto. E se me dirixía a algún profesor metía tantos che e te mal empregados que aínda me dá noxo. Ese che deturpado que sae dos meus beizos de cando en vez. E como fora, falando con Benigna e con Azucena, aló pola fin de ano 90 e comezos do 91, saíume con naturalidade. Nun ano mellorara tanto que nin eu o cría. Claro que falo un castrapo con cultismos. E como a sinto tan fondo no meu ser, a fala ole a lume de lareira, chourizo en manteiga, freixós, prados e carreiros. E a néboa e a choiva. E a eucalipto e a piñeiro. Que lingua máis sinestésica!.

Comedia bífida

2011-05-01T11:38:00.000-07:00

O trama da Comedia bífida, texto de Manuel C. Núñez Singala, recrea o Xuízo Final que se celebra nun local nocturno con ambiente de cabaret, San Pedro xulga os mortos galegos segundo o uso da súa lingua que fixeron en vida.

Na obra, Lucifer, o fiscal, fai honor ao dito de que "Deus é bo pero o demo non é malo", mentres San Pedro xulga os acusados coa axuda dos anxos, os cales representan varios tipos sociais segundo a súa actitude cara á lingua galega: a dos galegofalantes que educan os seus fillos en castelán; a dos que viven no rural e empregan no seu contorno o galego pero mudan ao castelán nas súas relacións coas persoas de maior status social como o médico, segundo a típica actitude diglósica; a xente nova que vive de costas ao galego por crer que non lles dará prestixio no seu ámbito de relacións, e a dos que se declaran bilingües pero están instalados na diglosia.

Humor, ironía, sarcasmo, crítica e autocrítica marcan este espectáculo. O texto, de Núñez Singala, foi publicado en abril de 2007 por Galaxia dentro da colección Costa Oeste.

O autor, cuxa voz está representada na obra a través de Lucifer, é escritor, filólogo e director do Departamento de Normalización Lingüística da Universidade de Santiago de Compostela. Inspirou este texto dramático nun sketch da montaxe Bicos con Lingua de Talía Teatro.

Lim: OS ALIMENTOS

2011-05-01T02:59:00.001-07:00

Este Lim ten exercicios para traballar os nomes dos alimentos que podemos atopar no mercado.
Ben podería empregarse con ese alumnado de 1º da ESO que acaba de chegar ao centro procedente doutra comunidade ou país.
No índice da segunda páxina figura un enlace ao Dicionario Visual onde aparecen máis exercicios para seguir xogando co nome das cousas.

PROXECTO XOGAMOS

2011-05-01T01:12:00.000-07:00

Este é o meu primeiro xogo que fixemos no curso de LIM. Entretido e para alumnado de fóra porque é moi doado. A XOGAR!!!!

A 136 metros sobre o ceo

2011-04-30T14:45:00.000-07:00

Coletánea de videos de Manuel Singala onde se reflexiona sobre o número de falantes das linguas en xeral e do galego en particular.

LETRAS GALEGAS 2011

2011-04-27T09:39:00.000-07:00

Poñémonos a traballar con Lois Pereiro e aquí está o material que ofrece a Coordinadora para achegarnos ao autor homenaxeado este ano. Preme no enlace para chegar ás actividades.

Moi interesante!!

Open publication - Free publishing - More lois pereiro

Día do libro

2011-04-26T02:05:00.000-07:00

Lois Pereiro

2011-04-21T14:32:00.000-07:00

Grazas Xoán!!! De verdade que é ben fácil xuntar os videos nunha lista de reprodución. Aquí deixo algúns sobre Lois Pereiro para non ter que andalos buscando. Con todo, hai tanta información que sei que faltan cousas.

Agora déixovos un documento que me enviou Mar no cal se recolle todo o material que se publicou relacionado con Lois Pereiro e o Día das Letras Galegas 2011.

Información sobre Lois Pereiro

Publish at Calaméo or browse others.

FALANDO DE EMIGRACIÓN

2011-04-21T13:20:00.000-07:00

Hoxe en día, a inmigración é un dos principais "problemas" da nosa sociedade occidental. E é que só fai falla pór algunha tertulia política na TV ou na radio, ver algún mitin electoral, ou escoitar a típica conversación de "Eu non son racista, pero..." para darse conta.

Occidente está cheo de prexuízos, dende EE.UU., onde se fan gardas na fronteira con México para disparar aos inmigrantes ilegais coma se se estivese xogar a tiro ao prato, ata Suecia, onde a extrema dereita por primeira vez na súa historia ten representación parlamentaria. E en España, que ata hai pouco era un emisor de emigrantes pouco cualificados e que agora sofre unha "fuga de cerebros", non é diferente.

Como noutros países europeos, os inmigrantes procedentes do Leste de Europa, especialmente Romanía e Bulgaria, ou do norte de África, coma Marrocos, que acostuman ser pouco cualificados, téndese a facer un discurso, tanto político coma social, moi duro e de rexeitamento. E non é de estrañar que algún Presidente da República expulse a xitanos búlgaros e romaneses, que casualmente pertencen á mesma asociación de países ca el, ou a tunecinos que fuxen dun país que sofre revoltas e hai inestabilidade política. E é que xa sabes, se che vai mal nas enquisas ou hai eleccións cerca, infunde medo á sociedade e di que vas "limpar" o país de inseguridade e espera a que chovan os votos. E por moitos informes do CIS que digan que os inmigrantes acoden menos ao médico que os españois ou que nós cometemos máis delitos ca eles, seguiremos crendo que os inmigrantes son un perigo.

Rodrigo Durán Rodríguez

LIM_2

2011-04-18T10:43:00.000-07:00

Un novo lim, desta volta sobre acentuación e para primeiro curso da ESO.

Esta ferramenta paréceme moi interesante pero non sei que pensades os que andedes a fedellar con ela. Eu creo que o peor é o tempo que tardas en atopar as imaxes axeitadas para crear as actividades.

O TESOURO DAS ÁNIMAS

2011-04-11T11:26:00.000-07:00

A escritora, CONCHI REGUEIRO, visita o IES Pazo da Mercé o 9 de maio. O alumnado de 2º da ESO está oca tarefa de lectura desta obra fantástica.

Esta obra, dirixida a rapaces e rapazas a partir dos 12 anos, na que se mestura a tradición histórica e a máis avanzada tecnoloxía, sitúanos en Ponterrubiáns, unha vila imaxinaria, onde viven Natalia e Guillerme, compañeiros de clase no instituto da vila, protagonistas dunha intensa aventura na que, a partir dunha enigmática clave atopada nun peto de ánimas do lugar, tentan resolver coa axuda dun videoxogo de última xeración e dalgúns dos seus mellores amigos e amigas unha vella lenda da súa vila na que se dicía que un bispo do século XVIII agachara un tesouro non atopado aínda, e tamén a misteriosa desaparición da profesora de Historia.
"O tesouro das ánimas" é un magnífico paso adiante de Conchi Regueiro dentro do mundo da literatura infantil e xuvenil, mostrando unha gran seguridade na elaboración dun historia na que se entrecruzan personaxes ben debuxados e diversas situacións que se resolven de forma críbel nun final que invita a ese aplauso infantil que dabamos nas tardes de domingo nos cines cando o heroe ou heroína da película vencía "os malos".

os wikis na aula de literatura

2011-03-30T01:36:00.000-07:00

Resistencia, Rosa Aneiros

2011-03-30T01:25:00.000-07:00

Deixo a seguir a presentación do alumnado de 1º bach A, do IES Pazo da Mercé na que recollen a informaicón máis relevante da autora.

Rosa aneiros

View more presentations from Loli Cid Cid

Letras Galegas 2011

2011-03-26T10:50:00.000-07:00

Como experimento co LIM aí vai un "bosquexo" dunha posible actividade sobre dúas cousiñas da vida de Lois Pereiro. Espero ter tempo esta semana para ampliar con textos explicativos antes das actividades. Non é difícil pero, coma todo, supoño que lle terei que meter horas para conseguir algo con xeito e non isto que me saíu na primeira proba.

Dillo cunha canción

2011-03-21T15:15:00.000-07:00

A pesar da demora aí vai o único traballo do meu alumnado no IES Pazo da Mercé que propuxemos para o día dos namorados. O alumnado debía combinar música en galego con imaxes e crear un video dedicado ao amor.

Noraboa Andrea polo esforzo e o traballo e por non deixarte levar polas ansias que lle poñen os teus colegas de alula.

Séculos Escuros

2011-02-13T09:58:00.000-08:00

A Literatura Galega Nos Ssee (Ana BeléN)

View more presentations from anabelenmoreda.

Para reflexionarmos sobre os prexuízos lingüísticos hoxe!!!

Agora vede unha mostra de valor á hora de fefender o propio. Recollido do blog Cartas Xeométricas.

María Silencio

2011-02-13T08:32:00.000-08:00

As II Jornadas de lingua celebradas o 9 e o 10 na Coruña pecharon coa actuación de A Minha Embala qeu interpretou, entre outros temas, o poema María Silencio de Carvalho Calero.

Outra versión en Son de Poetas.

Historia da Lingua

2011-02-11T03:48:00.000-08:00

A historia da lingua de Pepe Carreiro

Open publication - Free publishing - More lingua

WEB 2.0

2011-02-02T02:56:00.001-08:00

Web 2.0 in the classroom on Prezi

Libros virtuais

2011-01-25T09:18:00.000-08:00

Lim, libro interactivo multimedia

View more presentations from chickyga.

Manual Lim

View more documents from Miguel González.

Día da PAZ

2011-01-20T02:38:00.000-08:00

Aproxímase o día da Paz, aí vos deixo unha proposta para traballar cos nenos do primeiro ciclo da ESO.

Podedes facer que canten algunha cantiga de A nena e o grilo que puxo nas miñas mans Mar.

Que mellor ca regalar apertas e liberdade para poñer fin aos tantos conflitos que rebolen ao noso redor.

PROSA MEDIEVAL

2011-01-20T02:30:00.000-08:00

Prosa medieval

View more presentations from Loli Cid Cid.

A máis bela de bagdag

2011-01-19T03:23:00.001-08:00

Cantigas de Santa María

2011-01-17T07:44:00.000-08:00

Cantigas sta maria[1]

View more presentations from Loli Cid Cid.

2011-01-17T07:43:00.000-08:00

Xéneros%20menores.[1]

View more presentations from Loli Cid Cid.

Cantigas de escarnio

2011-01-17T07:39:00.000-08:00

Cantigas de escarnio[1]

View more presentations from Loli Cid Cid.

LIM LOIS PEREIRO

2011-01-15T13:35:00.000-08:00

Neste libro Lim podedes atopar un conxunto de actividades interactivas que elaboraron no Ies Condesa de Fenosa.

CANTIGAS DE AMOR

2011-01-13T04:01:00.000-08:00

Onde escoitar cantigas de amor:

Son de poetas

Cantigas Don Dinís

As cantigas de amor[1]

View more presentations from Loli Cid Cid.

FELICES FESTAS A TOD@S

2010-12-22T01:53:00.000-08:00

O venres estiven de visita no "meu" IES e resulta difícil entrar no departamento e non ir dereitiña a deixar as cousas enriba da "miña" mesa.... UFFFFFF

Cada vez que volvo só recibo cariño de todos/as os compañeiros/as e iso é máis que abondo para sentirse feliz e esquecerse de tonterías e da tristeza destes días que sempre nos fan pensar nas persoas que queremos e non están. Moito mellor pensar na xente que está e da cal disfrutamos día a día. Gracias a todos por recibirme sempre cos brazos abertos e porque o cariño que recibo se multiplica cando volo devolvo.

Para que neste Nadal as preocupacións sexan menores deixo aquí a felicitación que me mandou Mar para todos os compis e lectores do blog e, como non, acompañada de bicos sempre moi doces.

Bo Nadal

View more presentations from Loli Cid Cid.

O TEXTO ARGUMENTATIVO

2010-12-09T09:36:00.000-08:00

Aínda que hoxe cheguei ao centro e me atopo coa sorpresa de que a rapaza á que substituía está incorporada, aí deixo a presentación que non sei se chegará a ver algún dos alumn@s de 1º de Bach.

Bicos a tod@s e dúas cousiña: Os do Humanístico debedes estudar máis, menudos exames!!! Noraboa aos do Tecnolóxico porque non me defraudastes e as cualificacións foron as esperadas, vexo que entendestes aínda que andamos un pouco ás carreiras.

O texto argumentativo

View more presentations from Loli Cid Cid.

25 de novembro

2010-12-09T09:31:00.001-08:00

Noraboa polo traballo Xoán. Vexo que non decae o ánimo e seguides a traballar tanto e tan ben. Que morriña!!!

Esta presentación espero que sirva para que a xente reflexione. Mágoa que non a vexa quen ten que vela. Daquela seguiremos con noticias coma as da ponte, as de hoxe e as de pasadomañá. É raro o día que non prendes a TV para ver o noticieiro e non escoitas algo sobre o maltrato a mulleres, case sempre.

25 de novembro

View more presentations from Loli Cid Cid.

O VERBO

2010-11-25T03:23:00.000-08:00

Deixovos dúas presentacións con esquemas e cadros para entendermos algo mellor por un lado iso da segmentación morfolóxica do verbo (MMT, MNP, VT) e por outro as formas nominais, usos do infinitivo conxugado e perífrases galegas.

Hoxe na clase decatámonos de que grazas a estes cadros eu podo deducir cal é a raíz dun verbo irregular só con saber cales son os elementos que leva ao final. Non sempre poderedes comezar a análise morfolóxica pola raíz, lembrade isto.

Os morfemas verbais

View more presentations from Loli Cid Cid.

As formas nominais do verbo

View more presentations from Loli Cid Cid.

AZOU.EU

2010-11-19T02:51:00.000-08:00

Na Mariña luguesa, dise que ten o AZOU, quen non para quieto, quen anda a bulir todo o día cheo de inquietudes.

Aí vai este novo proxecto de núsica en galego para xente nova e, en fin, para todos.

25 de novembro

2010-11-18T03:34:00.000-08:00

Aquí tedes a unidade didáctica para traballar este curso cos nenos o tema da violencia de xénero.

Non a violencia machista

Publish at Calaméo or browse others.

O galego contraataca

2010-11-17T02:12:00.000-08:00

Como vemos o galego

2010-11-17T02:09:00.000-08:00

Así ven os mozos a suposta imposición do galego nas aulas

Os alumnos 1º de Bacharelato Tecnolóxico do IES Pedro Floriani publican esta montaxe sobre a suposta discriminación do castelán en Galicia. Vídeo no interior:

Viaxe á Praia dos afogados

2010-11-12T04:12:00.000-08:00

Ola moz@s! Grazas de novo por convidarme a esta viaxe por Nigrán, máis ca interesante e recomendable despois de ler o libro de Domingo Villar. Ademais de poder gozar da vosa compaña, puiden estar de novo ca alumnado co que fomos a Tenerife e hai xente moi boíña.

Aí deixo o video de recordo. Levareivos o resto das fotos. Só poderán ver o video os meus contactos. Por aquilo da privacidade, nótase que onte fun a Santiago ás Xornadas sobre Os procesos de dixitalización na transmisión cultural, jjjjjjjjjjj Menudo rollo!!!

Untitled from lolicid on Vimeo.

Contra a violencia de xénero

2010-11-12T02:48:00.000-08:00

Outro ano máis achegámonos ao 25 de novembro e todos sabedes que é o Día Mundial Contra a Violencia de Xénero. Este ano o número de vítimas é maior ca o ano pasado e aínda falta mes e medio para que remate. Debemos analizar que pasa coa nosa sociedade. Por que un home na última etapa da súa vida, con oitenta e pico anos, decide matar a súa muller? Toleamos ou que?

Para que reflexionemos sobre o tema deixo este fragmento de As de Bolboretas de Rosa Aneiros.

Fiño e Lucía (páxs. 187-189)

-Fiño...

-Chssssssss.

-Fiño...

-Chssss, cala, Lucía.

-Por que estamos calados?

-Porque estamos xogando.

-Por iso estamos debaixo da cama?

-Si, cala. Estamos xogando ás agachadas.

-Pero se estamos os dous debaixo da cama, quen nos busca?

-Ummmm... Mamá.

-Fiño.

-Que.

-E que mamá leva un anaco berrando e chorando na cociña.

-E que?

-Que non nos está buscando.

-Lucía, cala.

-Fiño, non me apertes, vasme mancar.

-Cala.

-...

-Xa está, xa podes falar.

-Es parvo, fixéchesme dano.

-Era para que calaras cando entraron os zapatos.

-Pero non eran os de mamá!

-Por iso.

-Eran os zapatos de papá!

-Por iso mesmo.

-Pero el non está xogando ás agachadas!

-Xa o sei, Lucía, pero cando el entra hai que calar.

-Fiño.

-Que.

-E cando podemos saír de debaixo da cama?

-Cando se escoite o ruído da porta e veña mamá buscarnos.

-Pero se mamá sabe onde estamos, non vale.!

-Si qeu vale.

-Non, non vale porque ela non quere xogar ás agachadas!

-Ah, si, e ti como o sabes?

-Porque ela quere xogar aos pallasos!

-Estate quietiña, Lucía, por favor.

-Eu non quero estar máis debaixo da cama. Este xogo non me gusta.

-Vale, xa te oín, pero agora estate quieta. Cando se escoite o ruído da porta saímos.

-Estou enfadada. Non me gusta.

-Veña, mañá xogamos a outra cousa.

-Si, Fiño. E a que? E a que?

-A ser invisible.

-E como se xoga a iso?

-Xa o verás.

-E mamá vai xogar tamén?

-Tamén.

-E papá?

-Papá terá que encontrarnos, pero como seremos invisibles seralle difícil. O importante é que non nos descubra, vale?

-Vaaaaale, podemos saír de debaixo da cama xa?

-...

-Fiño.

-Que.

-Fixen pis.

O SAMAÍN

2010-10-28T07:52:00.000-07:00

O Samaín, unha festa de orixe celta na que se rende culto aos mortos ou ás súas almas, convídanos a vivir unha noite de terror e medo. Se sodes amantes deste tipo de historias animádevos a crear un corto con esta temática. Para inspirarvos déixovos o video baseado no relato de Ferrín titulado O Suso.

Máis vídeos:

Os defuntos falaban Castelao

Sobre a morte do Bieito

Recursos Samaín:

http://www.xente.mundo-r.com/norberto/recursos/samain_e.htm

http://es.wikipedia.org/wiki/Samhain

Linguas cruzadas

2010-10-12T02:46:00.000-07:00

A unidade didáctica do documental de Linguas cruzadas está en PDF pola rede e déixoa nesta xanela para que todos poidades levala á aula e traballar directamente con ela sen andar a facer copias. O curso pasado os resultados foron moi bos e anímovos a todos a que traballedes con este material nas aulas.

O incerto señor Don Hamlet

2010-09-28T06:24:00.000-07:00

Aquí deixo un fragmentiño da estrea No Auditorio Municipal de Ourense da nova peza Sarabela Teatro.

Fai pouco tiven a oportunidade de ver en Coruña, no Rosalía, A esmorga. Aínda que aquela representación me gustou máis, polo lugar, a compañía e o apego que unha lle colle a este libro cos anos, o Hamlet de Cunqueiro tamén estivo ben. Moi lenta ao comezo cando fala o coro e máis interesante logo, cando comezan as dúbidas existenciais do protagonista e os enredos que trama a súa loucura, quizais xermolo do abafo que na escena crea a falta de vento?.

ACTIVIDADES CURSO 2009-2010

2010-09-28T04:30:00.000-07:00

Sei que vai con demora, Mar, e tanta!!!! Pero no verán xa sabes que andei de acó para aló coma unha bolboreta, pero sen asentar para facer nada con xeito.

Esta fin de semana rebulín entre os arquivos e a morea de carpetas que hai con fotos no ordenador e atopei onde tiña as do Instituto, menos mal!!! Foi moi emotivo velas todas de novo, sobre todo porque nunha presada delas aparece Andrea, sempre sorrindo, por certo!!!

Sei que faltan actividades: teatro a Ferrol ou ao Rosalía, roteiro da Praia dos afogados, as rutas de sendeirismo, e un milleiro máis de actividades que fomos facendo ao longo dun curso tan produtivo a nivel laboral e persoal. Daquela cando vexas o video, ademais de atopar os erros que xa vin por aí, decataraste de que si foi moito o traballo e moi bo. Po iso espero que estas imaxes sirvan de alento para seguirdes coa mesma liña de traballo. Non dubides un intre de que estivo xenial o que se fixo, e iso que non tiñamos tempo, senón aínda se farían máis cousas que sabemos que quedaron pendentes. Por exemplo, o do teatro na rede: animádevos este curso co Achado do castro, vale.

Bicos á todos máis que grandes.

GALEGO MÁIS DEPORTE

2010-09-23T08:18:00.000-07:00

O testemuño deste campión ferrolán é moi valioso porque nos deixa ver que unha persoa pode falar en galego aínda que non sexa a súa lingua materna. Asegura que o apego coa avoa e a aprendizaxe na escola ("tiña moitas materias en galego") foron as ferramentas que fixeron que aprendese a falar a nosa lingua.

Ademais, Javier insiste na idea da lingua como sinal de identidade. Di que fala galego porque sabe que é o algo que o fai sentir que está na casa. Mais cando anda por fóra recoñece que a xente se interesa pola súa lingua e que teñen curiosidade mesmo por aprender algunha palabra. Daquela????????? Isto é o de sempre!!!!!!!!!!!!!!!! A xente que menos apreza o galego é aquela que non entende o que significa a nosa lingua de verdade?

Vós diredes!!!!

Andrea de la Fuente

2010-09-20T13:09:00.000-07:00

Arriba ao lado de Nereida e detrás de Celia.

Abaixo entre Diego e Loli.

Hoxe foi un día longo e triste para o IES David Buján, cando menos foino para aqueles que tivemos a oportunidade de compartir o curso 2009-2010 con Andrea.

Xa sei que moitos estaredes pensando que por que pasan estas cousas e por que lles pasan á xente que nós queremos. Non hai un razoamento lóxico, as cousas pasan sen máis porque están de ser e non gañamos nada intentando entendelas. A única forma de superar feitos coma estes é aceptar o que ocorreu canto antes e loitar, cada vez máis, polas persoas que queremos e por ser felices con cada pequeno detalle.

Quería despedirme de Andrea con estas dúas fotos nas cal loce cun sorriso enorme, que delata a enerxía coa que estaba sempre bulindo de acó para aló, e acompañada de todos os compañeiros e copañeiras do curso pasado. Sei que tiña moi mal xenio, como dicía algún compañeiro, pero co decorrer dos días soubo canalizar esa enerxía para sacar adiante un moi bo traballo.

Un bico moi grande.

XOGOS

2010-09-20T02:17:00.000-07:00

Pilar, prometera mandarche os xogos que tiña do curso de monitora que nos permitían xogar coa lingua. Están cara as últimas páxinas do documento.

Esepro que algún valla para estes días de inicio de curso.

Bicos.

XOGOS CURSO MONITORES/AS

Publish at Calaméo or browse others.

AS DE BOLBORETAS

2010-09-17T13:42:00.000-07:00

O curso pasado tiven a sorte de acudir, en moi boa compañía, a escoitar a Rosa Aneiros no Cefore da Coruña, dende aquela engaioloume a súa forma de falar e dixen que tiña que ler os algún dos seus libros.
Porén, o destino fixo que non fora ningunha das súas obras as que aportaron no meu peirao este verán. Mais, logo de botar unha ollada á guía de lectura que preparou A Profa, non hei deixar moito tempo entre este intre e o da abordaxe de As de bolboretas.

Guía de lectura da obra "Ás de bolboreta" de Rosa Aneiros realizada por Pilar Ponte Patiño para Edicións Xerais.

Dunha persoa tan traballadora e alegre non podía saír outro traballo que nnon fora este. Parabéns e moito ánimo para seguir por estes sendeiros.

SON DE POETAS

2010-09-17T13:23:00.000-07:00

Hoxe, 17 de setembro de 2010, o curso novo curso escolar para secundaria bota a andar. Xoán Díaz, director de Son de Poetas, faino da mellor maneira que sabe explicando a todo o mundo que aprender literatura pode ser divertido, ou non?

Noraboa polo traballo

Transcribo a entrevista que publicou A Nosa Terra Diario. Grazas Mar, estás en todo.
________________________________________________________________
Blog de poemas musicados

Xoán Díaz: 'Son de Poetas complementa as clases de Literatura'

Redacción . 'Son de Poetas' é un blog que funciona dende o curso 2007-2008 no IES David Buxán de Cambre como recompilatorio de versións musicadas de poemas galegos co fin de achegar a nosa Literatura aos estudantes de Secundaria. O profesor de Literatura e Lingua galega Xoán Díaz dirixe esta bitácora que está a piques de inaugurar a súa cuarta tempada na rede.

Que é 'Son de poetas'?

Quere ser unha causa colectiva para alumnos, compañeiros de profesión e grupos literarios que funciona no curso lectivo e ten como meta aproximar os alumnos á literatura e poesía galega a través da canción e a música.

Dende cando funciona?

Dende o curso 2007-2008.

Como xurdiu?

No equipo de Normalización e Dinamización Lingüística do IES David Buxán coñeciamos iniciativas de incentivar a aproximación á literatura por parte do alumnado con poemas musicados en castelán e catalán e quixemos facer algo similar coa literatura galega.

Que periodicidade ten?

Publicamos un poema por semana lectiva e ás veces varias versións musicais dun mesmo texto. En datas importantes como o Día das Letras Galegas ou o pasamento de Rosalía de Castro facemos entradas especiais con recompilacións de poemas musicados dos autores homenaxeados.

Cal é o cometido?

Que os alumnos fagan reflexións sobre os poemas de autores que se revisan nas aulas partindo da música, e que opinen e propoñan outras versións musicadas dun mesmo texto. Tamén relacionar o ensino e a Literatura coas novas tecnoloxías.

É un blog colectivo?

Eu dirixo o blog pero conto coa colaboración dos compañeiros do departamento de Normalización e Dinamización Lingüística do Instituto e de xente que nos da referencias das versións.

Ten moitos seguidores?

Na relación constan máis de 60.000 visitas, a maioría de Galiza, pero tamén de galegos que viven no Brasil e toda Europa. Pero o cometido do blog non é ter moitas visitas, senón dar a coñecer a nosa Literatura a través da música.

Este blog está creado como unha ferramenta de traballo?

Por suposto. Son de Poetas fíxose como un complemento das clases de Literatura galega e para incorporar as novas tecnoloxías ao material escolar. Persoalmente estou moi interesado na integración das Tecnoloxías da Información e Comunicación nas aulas e este blog permíteme experimentar neste eido. É fundamental que contemos con ferramentas dixitais para traballar nas aulas e como profesores estamos obrigados a darlles unhas competencias dixitais aos alumnos e estar ao día nesta materia.

La sombra del viento

2010-08-29T05:08:00.000-07:00

Cando as vacacións de verán se reducen a sol e praia o máis interesante que se pode facer é acompañarse dun bo libro. Este verán o meu compañeiro de viaxe foi La sombra del viento, de Carlos Ruíz Zafón, xa que mo recomendou unha amiga.

Aínda que tivo que sufrir o atropelo dalgunha onda rebuldeira que a iso das 7.30 da tarde se lle daba por brincar máis arriba da liña do litoral. Poren, sobreviviu e mantívome entretida e de viaxe polas rúas dunha Barcelona enigmática.

A pluma estilográfica de Victor Hugo son o elo da cadea que une o presente e o pasado nesta novela que fai que os personaxes de ficción e os reais se mesturen no mesmo plano ata o punto de usurparse identidades.

A descuberta do libro La sombra del viento, no cemiterio dos libros esquecidos, leva a Daniel a mergullarse nunha investigación trepidante sobre o autor daquel exemplar. Iso será a escusa perfecta para que os múltiples narradores cos que vai contactando nos fagan chegar a vida dos distintos personaxes, que tiveron que sobrevivir aos difíciles anos da guerra, á ditadura de pais despóticos ou ao caciquismo dunha sociedade deturpada que non se afasta tanto do presente no que vive o protagonista.

Hai moitas frases que podía destacar desta novela, pero quedo cunha que me recordou á lectura de facultade do Triángulo inscrito na circunferencia, de Víctor Freixanes, que tantas veces levo relido e que se agocha na gabeta do meu escritorio.

“ _Yo creo que nada sucede por casualidad, ¿sabes? Que, en el fondo, las cosas tienen su plan secreto, aunque nosotros no lo entendamos. Como el que encontrases esa novela de Julian Carax en el Cementerio de los Libros Olvidados, o el que estemos tú y yo ahora aquí, en esta casa que perteneció q los Aldaya. Todo forma parte de algo que no podemos entender, pero que nos posee.”

La sombra del viento

“Nada xorde da nada nin por un casual . A casualidade non existe. As cousas estábanse a cocer dende había moito tempo. Detrás de cada suceso hai sempre una historia. Unha relación de causa efecto, e se a veces non acertamos a explicar acontecementos que nos sorprendan, non é porque o azar ande no xogo, é porque a nosa razón non vai aínda máis alá, porque aínda non acadamos o necesario nivel de coñecemento..."

O triángulo inscrito na circunferencia.

A XEIRA DAS ÁRBORES

2010-08-06T07:17:00.000-07:00

Na liña do seu discurso feminista, Teresa Moure preséntanos nesta novela a unha muller que fica pendurada ao bordo dun precipicio, coma unha desas árbores que está continuamente desafíando a gravidade, pero que grazas ás súas fortes raíces logra soportar treboadas e vendavais facéndose cada día máis forte.

Clara, unha muller solteira, con tres fillos e tradutora, debe deixar o seu traballo na editorial para traballar dende a súa casa e coidar dos pequenos.

Asistimos nestas 127 liñas ao decorrer dun día na vida de Clara. A escritora fai que a protagonista baleire, neste pouco tempo, o seu pensamento nun longo monólogo interior dende o cal nos conta a historia da súa "vida".

Inspirada polo filósofo que está a traducir, Humboldt, e inspirada pola súa teoría sobre o amor, Clara revisa a súa historia. Cóntanos que pensa ela do amor e como foron as relacións que mantivo cos pais dos seus tres fillos.

Sorprende a forza da protagonista para sacar adiante unha familia e, sobre todo, a ela mesma. Forzas que parecen frouxear cando chega a noite, deseperada por non dar durmido, colle a tableta de pílulas e toma a primeira porque necesitaba realmente descansar. Non o conseguía e a súa idea era conducir durante un anaco polas estreitas rúa que formaban as ringleriras de somníferos... pero a luz da alba descóbrenos a unha muller nova, que soubo coller as curvas desa autoestrada e evitar as fochancas, para comezar un día máis a súa vida.

Cantas mulleres árbore coñecemos? Pois non deixedes nunca de regar as raíces desas arboriñas para que sigan fortemente amarradas á terra, á vida!!!

Sorriso de Lúa

2010-08-05T10:21:00.000-07:00

Grazas a Mar por animar a este grupo de rapazas de 1º da ESO, Sara, Lucía, Helena, Ainhoa e Lucía, para que nos puxesen os pelos coma os do ouizo cacho cada vez que viñan a ensaiar ao departamento.

Cos temas que tedes no reprodutor, Sorriso de Lúa participou nun certame musical o día 15 de abril de 2010 e conseguiron un merecidísimo 4º posto. Rapazas estivo xenial, cando naza a miña sobriña poreille o voso arrolo para que o escoite.

Deixo o enlace á revista do centro no cal se recolle a noticia.

Get this widget

Track details

eSnips Social DNA

NA SOLAINA

2010-08-05T02:38:00.000-07:00

Cada vez estou máis convencida de que me gusta ser una persoa que se emociona, porque só así se pode gozar coa lectura dun libro coma o de David Vázquez Álvarez.

Esta prosa mol, donda e serena que sae da pruma do autor fai que nos mergullemos na vida de Ana, una velliña nada a comezos do século xx, que devece por estar co fillo da muller do servizo. Porén, as prohibicións do pai, primeiro e a marcha do rapaz alén mar na busca dun futuro mellor, despois, fan que a moza abandone a aldea da Ribeira Sacra, á cal regresa agora, tras vivir corenta anos na fermosa cidade da Coruña.

Quizais ese accidente que lle produciu a rotura do pé fose tan só a escusa perfecta para chegar de novo ao fogar dos maiores que construíron para a xente do lugar na aldea que a viu nacer. Dende a solaina do edificio os seus húmidos ollos albiscan cada un dos recunchos daquel fermoso val facendo que os seus recordos se espreguicen: o pazo familiar no cal coñece ao Rabizo e no que tantas veces discutiu co seu pai ou irmán maior; o regato, testemuña dos encontros ás agachadas dos mozos que tanto amor sentían, ou as serras que acubillaran no seu ventre ao mozo e ao seu amigo Pepe, fuxidos durante os anos da Guerra.

Ana, co decorrer dos días vai conversando pouco a pouco coa súa enfermeira, Diana, que tan ben sabía tirar do nobelo durante os longos paseos que daban por recomendación do doutor. A velliña presa da dor que lle producían as lembranzas que se amoreaban como á saída dun túnel na procura da luz, aconsella así á pequena: “…todos somos prisioneiros das nosas decisións, das nosas lembranzas, dos nosos erros (…) O que pasou xa foi. Non podemos volver atrás no tempo. Os rotos da alma non se poden remendar”.

Mais desta volta trabucábase con aquel consello. Quixo a vida que todo o sufrimento daquela mociña e desta velliña, que debruzada na solaina da súa vellez enxergaba os duros recordos do pasado que gardaba naquela caixiña de madeira, tivera un final feliz.

Merece a pena loitar aínda que Ana pensase “que a vida sempre gaña, miña pequena”, para agora mirar nos ollos do Rabizo a luz daquel amor que nacera cando aínda eran nenos e ían xuntos á escola. Agora, eran libre por fin e agardábaos toda unha vida xuntos.

Os elos que forman a cadea temática desta novela, malia seren coñecidos para todos: a Guerra Civil, os asasinatos, o caciquismo, o despotismo, o machismo, a diferenza de clases, a falta de liberdade, o amor, a emigración, os campos de concentración… combínanse de tal forma que o autor fai que non caiamos no aburrimento. As continuas viaxes que a velliña Ana e os demais personaxes fan dende o presente cara o pasado, fai que camiñemos cara outras lecturas como Agosto do 36, recordando a fuxida polos montes ourensáns de Manuel; O neno do pixama a raias, ao lembrar as chemineas que liberaban de forma tan atroz as persoas que estiveran alí prisioneiras, ou as escenas do filme A mariñeira, entre outras moitas que podiamos citar.

Sexa como for, as bágoas acudiron en varias ocasións aos meus ollos ao sentir todas esas emocións que moven aos personaxes desta novela: como evitar non sentir o medo dun neno de 16 anos partir cara América, ou medo ante a carraxe que sente o pai de Ana ao velo co fillo da criada, ou o medo do Rabizo a participar nunha guerra que non era súa matando a xente inocente, a emoción de Sara cando ve regresar ao fillo mozo da Habana, a tristeza do Rabizo no porto da Coruña lembrando que non se podía despedir de ninguén, nin de Ana, o amor que desprendían os olliños de Ana cara o seu namorado ou o desexo e ilusión de ser libres por fin e poder estar xuntos para sempre. Todas estas emocións e outras tantas máis e o suspense que a protagonista lle pon ás súas verbas fan que prendamos na lectura, que fiquemos neste fermoso lugar dos canóns do Sil un anaco máis, como fixo a enfermeira, malia ter unha boa oferta de traballo na cidade, porque desexabamos saber cal era o desenlace daquelas vidas. Grazas á súa curiosidade a historia vai medrando a pouquiños e os flashback son continuos, pero ao final logramos descubrir que os soños a veces tamén se fan realidade.

NA SOLAINA da casa vella da miña avoa, á sombra da figueira, escoitei moitas historias da boca dela e de miña bisavoa . Quen se resiste a NON SOÑAR!!!!!
Agora, miña bisavoa, dende hai moito, e miña avoa, dende un ano e medio, xa non están. A vella figueira xa foi substituída por outra máis nova. E, aquela cativa que soñaba, cando agora sobe á solaina, sabe que os soños se fan realidade só en novelas coma esta.

TERMAS OUTARIZ

2010-07-27T10:32:00.000-07:00

De volta en Ourense non está de máis facer publicidade dun dos mellores lugares de lecer da cidade: as termas en Outariz ou na Chavasqueira. Non vos minto se vos digo que en Allariz a iso das 5.30 e co coche á sombra ó carón do río a temperatura era de 35 graos, ao mellor de día non é o mellor momento para gozar delas, pero un baño pola noite combinando auga fría e quente está moi ben. E quen dixo praia, hahahahaha!!!

Ourense terra meiga

Paseo por Ourense

Día da Patria Galega

2010-07-27T04:16:00.000-07:00

Hoxe Xoan convidoume a ver os cambios en Son de Poetas e vin a Rosalía no centro do blog.
Iso recordoume ao recitado que fixo Teresa Devesa na festa do día 24 pola noite que se celebra todos os anos na miña parroquia, Santiago de Folgoso.

Uníndonos á homenaxe á nosa poetisa a concelleira recitou o poema da "Xustiza pola man". Se premedes no enlace ao blog antes citado podedes escoitedes unha versión moi movida deste poema de Rosalía.

Grazas Xoan, moi bo traballo!!!